ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |

ជប៉ុនផ្ដល់ជំនួយជាង ៣០ម៉ឺនដុល្លារ សម្រាប់អនុវត្តគម្រោងអប់រំនៅជនបទ និងស្ដារលទ្ធភាពពលកម្មជនពិការនៅកម្ពុជា

  • ចុះផ្សាយថ្ងៃទី០៧ ខែមីនា ឆ្នាំ២០២៣ ម៉ោង ១១:៤៦ នាទី ដោយ Saroeun Phallika
  • 1733
  Aa |   aA

ភ្នំពេញ៖ រដ្ឋាភិបាលប្រទេសជប៉ុននឹងផ្តល់ប្រាក់សរុបចំនួន ៣០០ ៧៧៩ដុល្លារអាមេរិក សម្រាប់អនុវត្តគម្រោងអប់រំនៅជនបទ និងស្ដារលទ្ធភាពពលកម្មជនពិការនៅកម្ពុជា ដែលជំនួយឥតសំណងសម្រាប់គម្រោងសន្តិសុខមនុស្សជាតិ (“KUSANONE” Grant) ដល់អង្គការទទួលជំនួយចំនួន៣ ។

កិច្ចសន្យាផ្តល់ជំនួយត្រូវបានចុះហត្ថលេខានៅថ្ងៃទី៦ ខែកុម្ភៈ ឆ្នាំ២០២៣ ដោយឯកអគ្គរដ្ឋទូតវិសាមញ្ញ និងពេញសមត្ថភាពនៃប្រទេសជប៉ុនប្រចាំកម្ពុជាលោក UENO Atsushi និងអង្គការទទួលជំនួយទាំង៣ ដើម្បីអនុវត្តគម្រោងនេះ។

ក្នុងគម្រោងទី១ សម្រាប់មន្ទីរអប់រំ យុវជន និងកីឡាខេត្តឧត្តរមានជ័យ រដ្ឋាភិបាលជប៉ុនផ្តល់ថវិកាចំនួន ១២០ ៧៦៨ដុល្លារ សម្រាប់ការសាងសង់អគារសិក្សាចំនួន ១ខ្នង ៥បន្ទប់ បំពាក់ដោយគ្រឿងសង្ហារឹមសាលារៀន នៅសាលាបឋមសិក្សារំដួល ក្នុងខេត្តឧត្តរមានជ័យ។ ដោយរំពឹងថាគម្រោងនេះនឹងផ្តល់អត្ថប្រយោជន៍ដល់សិស្សប្រមាណ ២២០នាក់ និងគ្រូបង្រៀនចំនួន ៩នាក់ តាមរយៈការកែលម្អគុណភាពអប់រំ។

នៅក្នុងគម្រោងទី២ សម្រាប់មន្ទីរអប់រំ យុវជន និងកីឡាខេត្តក្រចេះ រដ្ឋាភិបាលជប៉ុនផ្តល់ថវិកាចំនួន ៩១ ០១០ដុល្លារ សម្រាប់ការសាងសង់អគារសិក្សាចំនួន ១ខ្នង ៥បន្ទប់ បង្គន់អនាម័យចំនួន១ខ្នង ៣បន្ទប់ និងការដំឡើងគ្រឿងសង្ហារឹមសាលារៀន ដូចជាតុ កៅអី និងក្តារខៀន នៅសាលាបឋមសិក្សាភ្នំរអិល ក្នុងខេត្តក្រចេះ ដោយគម្រោងនេះនឹងផ្តល់អត្ថប្រយោជន៍ដល់សិស្សសរុបចំនួន ២៦៦នាក់ និងគ្រូបង្រៀនចំនួន ៧នាក់ តាមរយៈការកែលម្អគុណភាពអប់រំ។

ក្នុងគម្រោងទី៣ សម្រាប់មជ្ឈមណ្ឌលជាតិស្តារលទ្ធភាពពលកម្មជនពិការគៀនឃ្លាំង រដ្ឋាភិបាលជប៉ុន ផ្តល់ថវិកាចំនួន ៨៩ ០០១ សម្រាប់ការដំឡើងឧបករណ៍សម្រាប់ផលិតឧបករណ៍សិប្បនិម្មិត និងឧបករណ៍ព្យាបាលដោយចលនាចំនួន ១១ប្រភេទ នៅមជ្ឈមណ្ឌលជាតិស្តារលទ្ធភាពពលកម្មជនពិការគៀនឃ្លាំង ក្នុងរាជធានីភ្នំពេញ។ យើងរំពឹងថាគម្រោងនេះនឹងផ្តល់អត្ថប្រយោជន៍ដល់ប្រជាជនដែលត្រូវការឧបករណ៍សិប្បនិម្មិត រណប ឬសេវាស្តារនីតិសម្បទា នៅមជ្ឈមណ្ឌលនេះ ចំនួន ៩០០នាក់ក្នុងមួយឆ្នាំ។

គួរឱ្យដឹងដែរថា គម្រោង "KUSANONE" របស់ប្រទេសជប៉ុនបានចាប់ផ្តើមនៅក្នុងប្រទេសកម្ពុជាក្នុងឆ្នាំ១៩៩១ ដើម្បីគាំទ្រដល់ការកសាងឡើងវិញ និងការអភិវឌ្ឍន៍របស់ប្រទេសកម្ពុជានៅកម្រិតមូលដ្ឋាន ក្នុងគោលបំណងការពារអ្នកដែលងាយរងគ្រោះដោយសារកត្តាផ្សេងៗដូចជា ភាពក្រីក្រ និងកត្តាគំរាមកំហែងដោយផ្ទាល់ដល់អាយុជីវិត ជីវភាពរស់នៅ ក៏ដូចជាលើកកម្ពស់ភាពម្ចាស់ការក្នុងសហគមន៍មូលដ្ឋាន។ ចាប់តាំងពីឆ្នាំ១៩៩១ មក រដ្ឋាភិបាលជប៉ុនបានផ្តល់ថវិកាជាង ៦៦ លានដុល្លារសម្រាប់អាជ្ញាធរមូលដ្ឋាន និងអង្គការមិនមែនរដ្ឋាភិបាលសំខាន់ៗ ដើម្បីអនុវត្តគម្រោង KUSANONE ចំនួន ៧០២ នៅទូទាំងប្រទេសកម្ពុជា៕


ព័ត៌មានជាច្រើនទៀតសម្រាប់អ្នក